Kawani sa gobiyerno gihagit magkug aron molampos

CEBU, Philippines - Gihagit ni Mayor Paz  Radaza ang tanang mga kawani sa kagamhanan sa dakbayan sa Lapulapu sa pagpakita sa ilang kakugi ug kamatinud-anon sa ilang pagserbisyo ngadto sa katawhan .

Ang maong hagit sa mayor   gihimo  agi  og  mensahe ngadto sa mga kawani sa kagamhanan sa maong dakbayan niining  unang  buwan  sa tuig 2013 sa ilang pagserbisyo sa katawhan.

Gitataw niya nga daghan pa nga angay nga buhaton  ang  iyang administrasyon aron kahatagan  og  kaayohan sa mga Oponganon

Kining tanan  niyang  gidamgo  alang sa malinawon  ug hapsay  nga  dagan  sa pangagamhanan makab-ot  lamang  kun ang tanan nga mga kawani sa kagamhanan  magkahiusa usab sa pagkamatinud-anon sa ilang pagtuman sa ilang mga kaakohan. Dugang pa niya nga daghan pa og angay nga himoon ang iyang administrasyon nga naglakip   sa  pagpalambo sa mga kanal ug kadalanan sa kabarangayan.

Apan  gawas  niini  ilang  nalantawan  karon  ang  panginahanglan  sa  pagpasemento ug pagpa-aspalto sa ilang mga kanal.

Busa  gusto  usab  ni Radaza  nga  ang  mga  kawani  sa  city  hall  makakita  sa maong  pangalagad  nga  ilang  gihimo. (BANAT NEWS)