CEBU, Philippines - Napalgan na ang patay’ng lawas sa Sugboanong naapil sa pagbuto sa oil rig flat form sa Gulf of Mexico sa Estado Unidos duha ka semana na ang nakalabay.
Ang napalgang patay’ng lawas giila sa oyuan niini nga si Sinfroso Malagapo human kini napalgan sa mga rescuer nga naglutaw sa dalan dili layo sa nahitaboan sa pagbuto sa oil rig. Sa report saTV5 nakahilak ang uyoan ni Jerome dihang misaysay kini nga ang patay’ng lawas sa iyang pag-umangkon napalgang naglutaw diha sa Gulf of Mexico.
Ang igsuon ni Jerome nga si Elma Batoon, nagkurog usab nga misaysay nga nakadawat siya og tawag gikan sa asawa ni Jerome nga si Joanne ug mipahibalo kini nga patay na ang iyang igsuon.
Gikatakdang dad-on sa ilang panimalay sa Danao karung sunod semana ang patay’ng lawas ni Jerome diin ang lukop barangay nangandam na sa pag-abot niini. (BANAT NEWS)