Marcos wa pay desisyon vs. Chinese ambassador

CEBU, Philippines — Walay gihatag nga timailhan si Presidente Ferdinand Marcos Jr.  nga gusto nilang ipadeklarar nga persona non grata ang Chinese ambassad nga si  Jing Quan  sumala pa sa Palasyo kagahapon, Oktobre 19.

Apan gipatawag si Jing sa buhatan sa Department of Foreign Affairs.

“We know the president’s view. He would not want this kind of declaration, against any representative of another country here in our country,” sumala pang Palace Press Officer Claire Castro  atol sa press briefing sa dihang gipangutana siya bahin sa panawagan sa mga senador ug mga kongresista nga palayason si Jing.

Kagahapong adlawa sab, pormal nga gipatawag ni Foreign Affairs Secretary Theresa Lazaro si Jing ug gisultihan kini nga ang iyang gibuhiang pamahayag adtong Oktobre 15 sa usa ka chance interview usa ka “provocative and unacceptable.”

 “Not the place of a foreign mission to publicly criticize or taunt Philippine officials and legislators who are acting within their mandates,” matud pa sa pamahayag sa  DFA.

 Gipahibalo sab sa DFA nga duna kini katungod nga mohimo og diplomatic action batok kang Jing, apan wala kini mobutyag kun unsa.

Matud pang Castro gitahod sa Palasyo ang panglantaw ug baruganan sa mga magbabalaod nga gustong palayason si Jing,  apan wala pa sa presidente ang puntong buhaton kini “Everything he says can affect our country and our people,” pagpasabot pang Castro.