Will Ashley, milusad sa iyang “Liham”

CEBU, Philippines — Gilusad  na sa Kapuso star nga si Will Ashley ang iyang debut album nga “Liham,” usa ka koleksiyon sa walo ka awit nga naghisgot sa nagkalain-laing istorya sa gugma.

Nalakip  sa pop album ang “Paborito,” ang unang kanta ni Will nga nagsilbing  key track sa album. Pasok usab sa album ang  “AAKH!,” “Harana Para Sa’yo,” “Dito Ka Na Lang,” “Sa Piling Mo,” “Sinta,” “Matutulog,” ug “Kasalanan.” Matag kanta nagdala og lahi nga istorya sa gugma.

Ang “Paborito” mahitungod sa pagpangita sa usa ka tawo nga mahimong paborito sa tibuok kalibotan, samtang ang “AAKH!” kay naghisgot sa mapailobong paghigugma bisan pa sa kawalay kasigurohan.

Usa pud ka modernong bersyon ang  “Harana Para Sa’yo” alang  sa tradisyonal nga pagharana, samtang ang “Dito Ka Na Lang” mahitungod sa pagpabilin ug pagtuman sa saad sa gugma.

Ang “Sa Piling Mo” kay  naghisgot sa kasinatian sa pagbalik ngadto sa tawo nga angay nang buhian apan dili pa makaya, samtang ang “Sinta” mahitungod sa pagpili ug paghigugma bisan pa sa lisod nga kahimtang.

Usa pud ka awit sa kalipay  nga makaplagan sa tawo ang  “Matutulog” .

Si Will mismo ang nagsulat sa  tulo ka kanta nga “Paborito,” “Sinta,” ug “Kasalanan.” Ang album kay gipaluyohan  ni StarPop label head Roque “Rox” Santos.

Moira mitingog na

Sa katapusan, mitingog  na si Moira Dela Torre kalabot sa nigawas nga taho kaniadto nga duna siya’y mga higala nga nibiya kaniya.  Kahinumdoman nga dunay ni -unfollow kaniya sa Instagram nga sama nila Sam Milby, Yeng Constantino, Erik Santos ug TJ Monterde. Giklaro niya nga wala siya’y gisulti nga dili maayo ngadto sa iyang mga higala .