Sen. Marcoleta gidakop

CEBU, Philippines — Gidakop ug gikustodiya na karon sa PNP-Criminal Investigation and Detection Group si Senador Rodante Marcoleta kagahapon, Lunes, Hulyo 6 human nigawas ang arrest warrant gikan sa Sandiganbayan batok kaniya.

Ang iyang kasong plunder may kalabotan ni sa giingong P75-million nga nadawat niya atol sa 2022 elections nga wala niya gideklarar sa iyang Statement of Assets, Liabilities and Networth ug Statement of Contributions and Expenditures atol sa eleksyon.

Ang abogado ni Marcoleta nangangkon nga boluntaryong nitahan ang iyang kliyente sa anti-graft court isip "act of good faith." Niadto ang senador sa Sandiganbayan para iproseso ang paguli sa warrant.

Gitawag sa iyang abogado ang pag-aresto kang Marcoleta nga "surrender to the jurisdiction of the court."

Una pa nigawas ang warrant sa Sandiganbayan, sayo nga niadto si Marcoleta didto para moduso og motion to quash aron mabasura ang kaso, apan wala siya tugoti sa korte.

Gusto unta sa kampo ni Marcoleta nga iparesolba og una ang ilang mosyon ayha pa moisyu og warrant, apan wala kini tugoti.

Matud pa sa senador preparado ang iyang legal team ani nga kaso, dihang gipangayoan siya og mensahe para sa mga sakop sa Iglesia ni Kristo nga nag-rally agi og suporta sa iyaha—nilakaw palayo sa media si Marcoleta ug wala na tubaga ang pangutana.

Gawas ni Marcoleta, una nang gidakop human nalutsan og warrants silang  kanhi kongresista Mike Defensor  ug negosyanteng si Joseph Espiritu samtang gipangita pa si Aristotle Viray.

Ang kasong plunder walay piyansa.  Si Defensor nihimakak sa mga pasangil ug niingon nga naay bulok politika ang pag-aresto kanila.