“Takas sa Talisay” simple lang nga gisaulog

CEBU, Philippines — Simple lang nga gisaulog sa Dakbayan sa Talisay ang “Takas sa Talisay” o landing kagahapon.

Gisugdan kini sa Santos nga Misa diha sa Plaza sa Barangay Poblacion nga gitambongan sa mga beteranong Sugbuanon sa ikaduhang gubat sa kalibutan.

Uban nila ang Armed Forces of the Philippines (AFP), Philippine Navy, Philippine Coast Guard, Bureau of Fire Protection, Philippine National Police, US ug Japanese consuls ug mga opisyales sa Talisay pinangulohan ni mayor Gerald Anthony “Samsam” Gullas ug ni gobernadora Pamela Baricuatro sa Probinsya sa Sugbo. Mao na kini ang ika-81 ka tuig nga pag obserbar sa kagawasan sa Sugbo nga matag Marso 26 saulogon.

Lakip sa programa ang paghatag og 22-gun salute, wreath-laying kun pagbutang og buwak sa mga beteranong nag una.

Matud pa ni Gullas nga angay lang handumon ang kamaisugon ug sakripisyo sa mga Sugbuanong beterano aron makab-ot ang kagawasan. MEL BANAT NEWS