Probinsiya sa Sugbu gipaubos sa blue alert

CEBU, Philippines — Gibutang sa  blue alert na ang status sa Cebu Provincial Disaster Risk Reduction and Management Council (CPDRRMC) ug aktibo na pud ang command center sa Kapitolyo alang sa pag monitor sa lihok sa bagyong Basyang ug pangandam sa posibleng epekto niini sa kalungsoran sa Probinsya sa Sugbo.

Ang blue alert nagpasabot nga dili momenus 50% sa mga personnel sa mga departamento nga adunay kalambigitan sa disaster preparation ang nakaandam na daan ug padayon ang pagmonitor sa bagyo. Si Bise Gobernador Glenn Anthony Soco kinsa maoy acting governor karon miluwat na pud og executive order nga kanselar sa klase kagahapong adlawa sa tanang level sa pampubliko ug pribadong skwelahan lukop Probinsiya sa Sugbo "until further notice."

Base sa situational report sa CPDRRMO kanselado na ang byahe sa mga pantalan sa kalungsoran sama sa Liloan Port sa lungsod sa Santander, Hagnaya Port sa San Remegio, Polambato Port (Bogo City) Maya Port Maya Port (Daanbantayan), Medellin Port, Consuelo Port (San Francisco), Poro Port, Jagutapay Port (Tudela) Danao City Port, Tabuelan Port, Argao Port, Toledo City Port ug Mainit Port ( Oslob).

Ang mga personnel pud sa Provincial General Services Office, Provincial Social Welfare and Development Office, ug Cebu People’s Action Center ang nagsugod na pag-andam sa mga relief packs nga iapud-apod sa mga bakwit.

Sa pagkagahapon dili nakaandam na og 1,300 ka family food packs, 1,200 hygiene kits, 3,500 sleeping kits, ug 1,500 ka kitchen kits ang naandam. IBM  BANAT NEWS