Renewal sa business permit sa Lapu-Lapu nagsugod na
CEBU, Philippines — Nagsugod na sa pagproseso sa mga dokumento alang sa renewal sa business permit sa mga establisamento sa Dakbayan sa Lapu-Lapu.
Ang kalihokan gipahigayon diha sa hoops dome sa Barangay Gun-ob sa maong siyudad sa alas 8:00 sa buntag hangtud sa 8:00 sa gabii kagahapon ug molanat kini hangtud sa Enero 20, 2026.
Gikataho nga ang molapas sa maong mga adlaw sa pagsumiti sa mga rekisitos alang sa pagproseso sa ilang business permit ang makabayad na kini og multa nga 20 porsiyento sa balayranan niini.
Nunot niini, ang mga mosumiti sa ilang mga dokumento alang sa pagproseso ang giawhag sa pagkompleto na daan niini alang sa paspas nga proseso. Si Lapu-Lapu City Mayor Cindi King-Chan nipahimutang diha sa hoops dome ang pagpahigayon sa renewal sa business permit tungod kay hamugaway ang maong dapit. Ang pagproseso sa renewal sa business permit ang nahimong one stop shop diin anaa ang buhatan sa treasurer, bombero ug uban pa nga buhatan sa kagamhanan. (BANAT NEWS)
- Latest
