Kampanya batok mendicancy gihingusgan sa siyudad sa Sugbo

CEBU, Philippines — Gihingusgan sa siyudad sa Sugbo ang kampanya batok sa mendicancy nonot sa matag adlaw nga operations nga nagpadayon bisan og holidays.

Ilang gihimo ang pagpanakop sa mga indibidwal nga maaktuhan nga magpakilimos ug mohatag og limos diha sa publiko nga lugar.

Ang Cebu City Anti-Mendicancy Office (CCAMO), ubos sa direktiba ni Cebu City mayor Nestor D. Archival, niklaro nga ang pagpatuman sa City Ordinance No. 1631 dili lamang kabahin sa disiplina kundili paghatag og proteksyon sa mga kabataan ug pagbuhi sa dignidad sa matag pamilya. Sa wala pa ang Pasko, ang City Government estrikto nga nipatuman sa ordinansa pinaagi sa coordination meeting tali sa CCAMO, Office of Muslim Affairs and Indigenous Cultural Communities (OMAICC), ug mga leaders sa Badjao community.

“Lig-on ang panaghiusa sa OMAICC, partner agencies, ug komunidad aron mapadayon nato ang disiplina, kaluwasan, ug dignidad sa atong dakbayan,” suma pa ni Mayor Archival sa iyang post.

Segun sa tahu sa CCAMO, ang mga inahan nasuta nga mogamit sa ilang mga anak sa pagpakilimos human ma rescue ang mga minors ug gitugyan na ngadto Department of Social Welfare and Development (DSWD).

Sa labing uwahing operasyon, 16 ka indibidwal ang nadakpan nga nagpakilimos: walo sa Police Station 4, duha sa Police Station 1, ug unom sa Labangon Police Station.

Ang kagamhanan sa siyudad nagpahinumdum usab sa mga residente nga gidili ang paghatag og limos ubos sa ordinansa ug kadtong masakpan nga mohatag og kwarta mag-atubang usab og kaso.

Suman pa ni mayor Archival nga ang maong kampanya gitumong dili aron sa pagsilot sa mga kabus kundili aron magiyahan ang matag pamilya sa pagkab-ot og malungtaron nga panginabuhian. — /MEL (BANAT NEWS)