Archdiocese of Cebu nihatag og ayuda sa lungsod sa Balamban

CEBU, Philippines — Ang Archdiocese of Cebu, pinaagi sa ilang social arm nga Cebu Caritas Inc, nagpadayon sa pagdala ug paglaum sa mga apektado sa kalamidad.

Ang hatag paglaum niapod-apod ug ayuda kagahapon, Domingo sa mga dapit sa St Francis de Assisi, Balamban diin adunay 1,000 bags of love ug 210 ka sakong used clothing; samtang ang San Roque Parish, Asturias ug St. Vincent Ferrer Parish, Buanoy Balamban nakadawat ug 500 bags of love, tubig ug 110 ka sakong used clothing.

Si Archbishop Alberto "Abet" Uy, padayon nga niawhag sa mga magtutuo nga adunay katakos sa pagtabang nga padayon nga mohatag og paglaum sa mga kaigsuonan ilabi na niadtong mga nabiktima sa katalagman ug mas nanginahanglan. — (BANAT NEWS)