Asawa gikulata kay wa kasuyop
CEBU, Philippines — Gibalhog sa prisohan ang usa ka bana human nangulata sa iyahang asawa kay nasuko nga wala siya makasuyop diha sa Barangay Poblacion, Siyudad sa Sugbo niadtong Biyernes sa buntag, Oktubre 10, 2025.
Ang bana nga gipadakop mao si alyas Nol, 48, samtang ang asawa nga nagpadakop mao si alyas Dita, 50, ang duha pulos nagpuyo sa Barangay Poblacion, Cebu City. Sa imbestigasyon sa Inayawan Police Station 7 sa Cebu City Police Office gidakop human iyang gilabay og mga gamit ang asawa niini tungod sa kasuko.
Ang rason matud pa kay nasuko ang suspek nga wala makagamit og illegal nga drugas. Gihapak niini ang bukton sa biktima makadaghang higayon ug pagkahuman gihapak sad niini ang ulo sa asawa.
Pinaagi sa tabang sa BPSO gidakop ang suspek ug gidala sa Inayawan Police Station 7. Kasong kalapasan sa Republic Act 9262 ang ipasaka batok sa suspect.
- Latest
