DTI nipatuman og price freeze
CEBU, Philippines — Ang Department of Trade and Industry niimplementar og price freeze sa Cebu human sa pag-igo sa linog niadtong Martes sa gabii.
Giimplementar sa DTI ang 60-day price freeze sa mga batakan nga panginahanglanon sa tibuok Probinsiya sa Sugbo human niigo ang 6.9 magnitude nga linog diin ang epicenter niini sa Dakbayan sa Bogo.
Ang pagpatuman sa price freeze subay kini sa direktiba ni President Ferdinand "Bongbong" Marcos, Jr. sa pagpalihok sa mga ahensiya alang sa relief and rescue sa mga apektado nga residente. Sa pagka karon, ang DTI monitoring teams sa ilang field offices nag-deploy ug mga tawo nga aktibo nga mosusi sa mga merkado aron sa pag-verify sa presyo ug garantisado nga magpadayon ang supply sa basic goods sa tanan apektado nga komunidad.
Si DTI Secretary Cristina Roque nitumbok sa barato ug steady supply sa essential goods tungod kay maoy ilang nag-una nga prayoridad.
Ang automatic nga price freeze ipatuman dayon human sa deklarasyon sa state of calamity sa Sangguniang Panlalawigan.
Ang mga konsumidor gihangyo sa DTI nga motaho dayon kini kong adunay mapahimuslanon ngadto sa [email protected] or call the 1-DTI (1-384) Hotline. (BANAT NEWS)
- Latest
