^

Banat Balita

Track oval dili una pailisdan ni Mayor Archival

Preciosa L. Bacalso - Banat

CEBU, Philippines — Dili usa pailisan ni Cebu City Mayor Nestor Archival ang rubberized track oval sa Cebu City Sports Center (CCSC) nga nangagusbat ang pipila ka bahin tungod kay wala pay igong pundo ang kagamhanan aron mogasto og laing P60 milyones alang sa rehabilitasyon sa kinatibuk-ang track oval.

“For the meantime, dili na nato hilabtan. If we are going to remove all of that, mas dako ang atong gasto”, suma pa ni Archival.

Gipahibalo ni Archival nga dako na og nabayad ang kagamhanan ngadto sa ulahing kontraktor sa track oval nga mao ang SBD Builders.

Gibubuan kini og pundo sa kagamhanan nga mokabat sa P52 milyones ug gipahibalo ni City Treasurer Emma Villarete nga anaa sa 60.40% o P31 milyones ang nadawat nga bayad sa SBD Builders niadtong Marso niining tuiga.

Gikumpirmar usab ni Archival dili sab makakolekta ang kontraktor sa kinatibuk-ang bayad tungod kay dili malungtaron nga mapuslanan ang track oval. Gawas niana, wala sab kini makasumite og Certificate of Completion ug wala pa kini hingpit nga na-turnover ngadto sa kagamhanan sa dakbayan.

Karon nga na-anunsyo na ni Archival nga ipabilin ang pagpahigayon sa Sinulog 2026 sa CCSS, nakigtagbo si Archival ngadto kang kanhi konsehal Joy Young ug Brando Velasquez kinsa Executive Director sa CCSC magbuhat og temporaryong solusyon nga mahimong mas maayo nga mga pamaagi unsaon kini pag-ayo nga dili na kinahanglan pasirad-an ngadto sa publiko ang track oval.

“Repair lang, kay dili man na pwede nga mura na og vulcanizing. Kinahanglan man jud na nato usahon. But for now, it’s not wise nga ato nang tangtangon ug ilisan og laing 60 milyones”, suma pa ni Archival.

Sa pagkakaron, pabiling abli ang CCSC. “We will use that for now until such time magamit na nato sa Sinulog, kay kahibawo ko sa Sinulog mosamot na og katangtang”, Dugang pa sa mayor.

Sukad niadtong 1994, gipaubos og rehabilitasyon ang track oval niadtong tuig 2023 alang sa Palarong Pambansa ug giutrohan na sab kini niadtong tuig 2024 alang sa Sinulog 2025. — /MEL (FREEMAN)

CCSC

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with