Gikulata sa kapuyo, lalaki priso

CEBU, Philippines — Nabalhog sa prisohan ang usa ka 26-anyos nga lalake human kini gireklamo sa iyahang live-in partner kay nangulata siya niini diha sa Barangay West Poblacion, Dakbayan sa Naga niadtong Huwebes sa buntag, Septyembre 18, 2025.

Ang biktima mao ang 26 anyos nga babaye nga kaipon sa dinakpan nga usa sab ka 26 anyos nga lalake, ang duha pulos taga Purok Tamatis, Barangay West Poblacion, siyudad sa Naga.

Sa impormasyon sa City of Naga Police Station nga alas 12 sa udto niadtong Huwebes, September 18, 2025 ang biktima nipatim-aw sa police station ug nagpakitabang.

Ang biktima mi-report nga siya matod gikulata sa iyahang kaipon sa ilahang panimalay. 

Base sa imbestigasyon sa kapulisan, ang naglalis ang duha bahin sa ilang siyam ka buwang anak.

Apan gikulata sa suspek ang babaye pinaagi sa paghapak sa ulo niini og stainless bowl ug plato ug gituok.

Ang reklamante gitambagan nga mopaubos og medical ug physical examination , posibleng kasohan ang suspek og paglapas sa Republic Act 9262 kun Physical Abuse. IBM  BANAT NEWS