Mobile clinics ipagawas karong Agosto
CEBU, Philippines — Karong buwan sa Agosto, ipahigayon ang rollout sa mobile clinics isip kabahin sa pagsaulog sa Founding Anniversary sa probinsya sa Sugbo.
Gikatakda unta nga magsugod niadtong unang semana sa Hulyo, apan giuswag kini sa Agosto aron mas mahinlo ang deployment.
“We don't want to do it hastily, so ig August naa natay mogawas na mobile clinics especially sa Islands,” segun ni Catalan.
Ang unang schedule sa mobile clinics mao ang Agosto 8-9 sa Camotes Island ug Agosto 15-16 sa Bantayan Island.
Kini nga mga mobile units maghatag og diagnostic ug preventive health services sama sa X-ray, blood pressure check, diabetes testing, dental checkups, ug uban pa.
Gidugang pa ni Catalan nga adunay mga private doctors ug volunteer medical mission groups nga moapil sa ilang paningkamot pinaagi sa pagbisita sa lain-laing bahin sa probinsya.
- Latest
