Janitorial services sa mga ospital i-outsource sa Kapitolyo
CEBU, Philippines — Nagplano si Gobernador Pamela Baricuatro sa Probinsiya sa Sugbo nga mokuha na lang sa gawas o i-outsource na ang paglimpyo ug janitorial services sa 16 ka provincial ug district hospitals.
Kini aron mamintinar ang kalimpyo sa mga tambalanan nga gidumala sa probinsya ug aron usab nga ang job order (JOs) nga empleyado makatabang sa mga regular nga trabahante sa ubang operasyon nga angay himoon sa mga hospital.
“Ang among gi-istoryahan sa mga hospital (officials) nga unta i-keep lang ang ilang JOs kay they can utilize them, and to keep the hospital gyud well-maintained, we are looking to outsource gyud the janitorial services and cleaning services. Outsource tanan and keep the JOs to augment the shortage of staff at district hospitals” matud pa ni Baricuatro.
Dugang pa sa gobernadora nga kulang gyud ang mga trabahante ug daghan ang bakante nga plantilla nga position sa mga tambalanan nga mao karon ang ilang gipaninguha nga mapun-an aron mas makahatag og maayong serbisyo sa panglawas sa mga Sugboanon.
“I advise them to please fill up kay ma compromise ang services ana sa katawhan kon dili ma fill ang mga positions” segun pa ni Baricuatro.
Sa nasayran mao kini ang hinungdan nga nag mass hiring ang Kapitolyo og mga medical professionals, gikan sa mga doktor, nurse, midwifes, pharmacists, radiologists, ug uban pa aron mopuno sa kakulang sa manpower sa mga hospital. (BANAT NEWS)
- Latest
