Ouano nipadayag sa iyang mga programa nga gihan-ay

CEBU, Philippines — Gipangulohan sa pagtambong ni Mayor Thadeo Jovito “Jonkie” Ouano ug Kongresista Emmarie “Lolypop” Ouano-Dizon ang inaugural session sa 17th Sangguniang Panglungsod  kagahapon,  Hulyo 7, 2025  diin gipahigayon kini diha sa Mandaue City Cultural and Sports  Complex sa Barangay Centro.

Sa maong inaugural session nalakip sa kalihokan ang oath-taking ni Ouano nga maoy nagtimaan sa opisyal  nga pgsugod sa iyang termino isip mayor sa Siyudad sa Mandaue

Nisaksi usab sa kalihokan ang opisyales sa kabarangayan, mga nagpaluyo nga Mandauehanon diin ilang gipakig ang padayon nga politikanhong kahiusahan.

Sa iyang mensahe, si Ouano nipadyag sa dako niyang tinguha alang sa kalamboan  sa siyudad ug sa mga Mandauehanon nga ilang giserbisyohan.

 Gipahibalo ni Ouano ang gihan-ay na niyang mga programa ug proyekto nga gitumong alang sa kaayohan sa tanang Mandauehanon.

Naglakip sa pipila ka mga programa ug proyekto nga iyang gitinguha nga kahatagan og dakong pagtagad mao ang programa sa panglawas, edukasyon, livelihood ug uban pa.

Gipadayag ni Ouano ang dako niyang tinguha alang sa kaayohan sa mga senior citizen ug mga PWD  sa siyudad ug uban pa nga gitinguha niyang kahatagan og katumanan pinaagi usab sa suporta sa mga sakop sa konseho.

Si Bise Mayor Glenn Bercede nga nahinabi sa mga tigbalita nipadayag sa iyang pagsuporta sa mga programa ug proyekto nga gitinguhang ipatuman ni Ouano

Naglakip sa maong kalihokan ang pagbaton sa mga sakop sa 17th SP sa ilang gihuptan nga komite isip chairman ug sakop niini. (BANAT NEWS)