108 ka armas nasakmit sa LCPO

CEBU, Philippines — Milampos sa paghipos ang kapolisan sa Lapu-Lapu City Police Office (LCPO) sa 108 ka mga armas sukad sa pagpatuman sa Comelec gun ban niadtong Enero 12 hangtod sa Mayo 5, 2025 nga operasyon nga ilang gipahigayon

Sagad niini mga handguns nga nalakip sa kalibre 38 revolver, 22 caliber revolver, 9mm ug  caliber 45 pistols ug  nahipos usab nila ang kapin sa 50 ka mga bala niini.

Naglakip sa maong mga armas nga ilang nahipos mao ang 19 nga ilang nasakmit atol sa buy bust opertion nga gipahigayon, unom ang ilang nakuha gikan sa ilang pagtubag og alarma.

Ang 27 gitahan ngadto sa ilang buhatan ug laing 56 ang gitugyan ngadto kanila isip pagtip-ig samtang wala ma-renew ang lisensiya sa armas nga gihuptan niini.

Gitataw  ni Torres nga ang mga armas  nga legal nga paghupot apan mi-expire lang ang lisensiya mahimo kining makuha og balik sa mga tag-iya sa higayon nga ma-renew na usab ang lisensiya niini.

Ang LCPO nakapahigayon og 2,292 ka mga nagkalainlaing operasyon nga naglakip sa drug operation ug Comelec checkpoints ug pagsikop sa mga tawo nga sa mga krimen.

Si Police Colonel Dyan Agustin, director sa LCPO miingon nga ang ilaang gihingusgang operasyon kabahin sa paningkamot nga ang 2025 National and Local Election (NLE) mahimong hapsay, malinawon ug katuohan ang mogawas nga resulta sa maong piniliay. (BANAT NEWS)