Caretaker patay, helper angol
CEBU, Philippines — Patay ang usa ka caretaker sa sand and gravel quarry samtang angol ang kauban niini human sila gipamusil niadtong Sabado sa buntag, Abril 12, 2025 sa Sitio Lower Camansiles, Barangay General Climaco, Dakbayan sa Toledo.
Ang namatay mao si Bonifacio Dacuma King, 53, samtang angol ang kauban niini nga si Jayk Canoneo Dacuma, 27, parehong nagpuyo sa maong lugar.
Nakadawat og tawag ang Toledo City Police Station labot sa nadiskubrehang patay lawas ug angol nga tawo sa naasoy nga dapit.
Base sa istorya sa saksi, naghigda na kasagbutan ang duha sa dihang ilang nakit-an ug dali silang gidala sa mga kabanay ngadto sa Toledo City General Hospital. Apan si Bonifacio Dacuma King gideklarar nga dead-on-arrival.
Sa gihimong follow-up investigation sa kapulisan na-recover sa crime scene ang napulo ka fired cartridge cases sa .9mm caliber.
Nasubay sab sa ilang imbestigasyon nga dunay duha ka Person of Interest nga matod pa sa witness kabangi kaniadto pa ni Bonifacio tungod sa trabaho niini. — /IBM (BANAT NEWS)
- Latest
