Grupo ni Rama mopahigayon og kalihokan subay sa birthday ni Duterte

CEBU, Philippines — Si kanhi mayor Michael Rama sa Dakbayan sa Sugbo ang adunay mga programa ug kalihokan nga giandam alang sa birthday ni kanhi president Rodrigo Duterte.

Matud ni Rama nga kagahapon sa gabii aduna sila’y programa nga gihimo lakip usab sa mañanita alang sa pagsugat sa birthday ni Duterte.

Gibutyag ni Rama nga karong adlawa, Marso 28, 2025 subay sa birthday sa kanhi presidente aduna sila’y press conference nga ipahigayon aron hangyuon ang tanang tawo nga moapil sa ipahigayon nga simultaneous candle lighting sa alas 7:00 sa gabii bisan asa sila’ng dapit sa Siyudad sa Sugbo uban sa mubo kaayo nga programa nga ilang giandam.

Gipadayag nga karon adlawa atol sa unang adlaw sa kampaniya aduna usab sila’y mga kalihokan nga ipahigayon uban sa iyang partido. (BANAT NEWS)