Tigtagak og shabu, nadakpan

CEBU, Philippines — Nasakmit sa kapolisan sa Lapu-Lapu City Police Office (LCPO)  ang 200 gramo nga  shabu nga nagkantidad  og P1, 360,000.00 nga  shabu gikan sa High Value  Individual nga giingong bodegero sa drugas Martes sa tungang gabii  sa Sitio Kapaping sa Barangay Basak, Siyudad sa Lapu-Lapu.

Si Police   Lieutenant  Christian Torres, tigpamaba  sa LCPO miingon nga ang 32-anyos nga suspek lumad nga taga Lungsod sa San Remigio  apan temporayo kining nagpuyo sa Barangay Basak sa maong siyudad.

Ang kapolisan sa Presinto 4 gipangulohan ni Police Major Ezano Regidor maoy nakasikop sa maong suspetsado.

Si Torres miingon nga ang maong dinakpan maoy tigtagak og shabu sa maong lugar.

Napalitan kini og usa ka paketeng shabu, apan human siya girekisa dugang lima ka paketeng shabu ang nakuha dala niini itom nga sling bag.  IBM BANAT NEWS