P15 milyon drugas, armas, wanted nahipos sud sa pito ka adlaw

CEBU, Philippines — Gikan sa Disyembre 1 hangtod sa Disyembre 7, 2024 nga mga operasyon sa Police Regional Office(PRO)-7 miresulta kini sa pagdakop sa 393 ka tawo nga nakalapas sa nagkalain-laing balaod.

Sa maong period ang PRO-7 nakadakop og 118 ka drug suspects ug nakasakmit og 2,294.11 grams nga illegal nga drugas nga nakantidad og P15.6 million.

Isip tubag sab sa kabalaka may labot sa unregulated firearms, ang otoridad nakasakmit og 12 ka armas apila na ang mga nagkalain-laing bala.

Miresulta ang maong operasyon sa pagdakop sa pito ka mga tawo nga nakalapas sa Republic Act 10591 ug nakatampo kini sa pagmenus sa firearm-related risks sa local communities.

Niabot sab sa 135 ka mga indibidwal ang gikustodiya sa kapulisan kay nalambigit sa illegal nga sugal ug dul-an sa P14,000 bet money ang nakompiskar.

Sa wanted persons, ang PRO-7 nakasikop og 133 ka mga pinangita sa balaod, apil na niini ang 24 ka mga tawo nga nabutang isip most wanted persons.

Nakita sa PRO-7 nga dunay pag-ubos sa crime index crimes, gikan sa 78 ka mga kaso sa samang period sa miaging tuig naa nalang kini sa 43 ka kaso ning tuiga, nagpakita kini nga 44.87 porsyento ang pagkunhod. IBM BANAT NEWS