Pangalan sa buhatan sa CCTO dili na pailisan ni Garcia
CEBU, Philippines — Dili na ganahan si Cebu City Mayor Raymond Alvin Garcia nga ilisan ang pangalan sa Cebu City Transportation Office (CCTO).
Sa mga nilabay nga mga administrasyon, ang CCTO nailhan kini sa pangalan nga City Traffic Operations Management (CITOM) sa panahon ni kanhi mayor Tomas Osmeña ug nahimo usab nga Road Management Authority (RMA) sa administrasyon ni kanhi mayor Michael Rama.
Hangtud karon nakapangutana si Garcia kon nganong kanunay nga ilisan og pangalan ang maong buhatan diin sama ra kini og trabaho ug serbisyo sa syudad.
Ug ang kununay’ng pag-ilis og pangalan makahatag lang kini og og kalibog sa mga tawo hinungdan nga nimando si Garcia nga ibalik kini sa naandan nga CCTO ug dili na kini ilisan pa.
“We will use and we will stick to the term “Cebu City Transportation Office” which is also in compliance our city ordinance”, ni Garcia pa.
Si Garcia nagkanayon nga aduna siya’y katungod nga ilisan kini sa unsa ang iyang gusto nga inisyal sa maong buhatan apan giklaro niya nga mas maayo mosunod lang gyud sa balaod.
“It’s CCTO, as embodied in the ordinance. I will request them that everything should be changed back to CCTO. Ato ning i-shield from personalities and even shield from politics”, dugang ni Garcia. BDB BANAT NEWS
- Latest
