Family disaster plan gitudlo sa Talisay

CEBU, Philippines —  Gitudlo sa City Disaster Risk Reduction and Management Office (CDRRMO) sa Dakbayan sa Talisay ang family disaster plan.

Mao kini ang paagi aron ang matag edad makasabot kong asa sila modagan o mopasilong kong adunay kalamidad.

Si Joel Sisa, pangulo sa operation sa CDRRMO nagkanayon nga gilukop na nila sa pagsuroy ang kabarangayan sa siyudad.

Gani, aduna na sila’y mga community first responders (CFR) nga gibansay nga mao usab ang ilang front liners sa kabarangayan.

Matud ni Sisa nga ang katalagman dili kapugngan apan mahimo kini nga pangandamanan aron mamenosan ang epekto.

Ang mga ginikanan nga gibansay mao usab ang mohimo sa pagpahibawo sa ilang family disaster plan.