Usa sa most wanted nga dunay kasong rape nasikop

CEBU, Philippines — Nasikop ang usa ka most wanted person didto sa Barangay Lawaan 2, Dakbayan sa Talisay niadtong Biyernes sa alas 7:50 sa gabii.

Ang nasikop mao si Lowie Mahilum Flores Jr. alyas Rambo, 19 anyos nga nagpuyo sa nahisgutang lugar.

Si Police Lt. Col. Epream Paguyod, hepe sa kapolisan sa Talisay nibutyga nga ilang gi implementar ang warrant of arrest nga giisyu ni Honorable Judge Leo Lumabad Intia sa Regional Trial Court Branch 64 sa Labo, Camarines Norte.

Matud pa ni Paguyod nga tulo ka count sa kasong rape ang giatubang sa dinakpan.

Naila siya nga most wanted person sa regional level sa Police Regional Office (PRO-5).

Walay pyansa ang gitagana sa kaso sa maong suspetsado.  MEL BANAT NEWS