Mga drug cleared barangays gidayeg sa Hunta

CEBU, Philippines — Giaprubahan sa Hunta Probinsiyal ang mga resolusyon sa pagdayeg sa unom ka drug cleared nga mga barangay sa Lungsod sa Dalaguete, Sibonga, ug Pinamungajan.

Kini mao ang Barangay Coro ug Barangay Catolohan sa Lungsod sa Dalaguete; Barangay Cagay ug Barangay Guimbangco-an sa Lungsod sa Sibonga; ug Barangay Anislag ug Barangay Lut-od sa Lungsod sa Pinamungajan.

Ang mga barangay gideklarar nga mga drug cleared sa Region VII Oversight Committee on Barangay Drug Clearing Operation.

Nagsubay kini sa Philippine Drug Enforcement Agency (PDEA) Memorandum Circular No. 2020 – 026 ug Dangerous Drugs Board (DDB) Regulation No. 4, serye sa 2021 nga nagpadayon sa pagpatuman sa Barangay Drug Clearing Program (BDCP).

Ang unom ka barangay nakakompleto sa rekisitos nga nalatid sa PDEA Memorandum Circular No. 2020 – 06 o ang Omnibus Procedures sa Pagdeklarar sa Usa ka Drug-Affected Barangay nga “Drug-Cleared” ingon man sa DDB Regulation No. 4, serye sa 2021 nga nagpadayon sa pagpatuman sa BDCP.

Ang Barangay Coro kay ubos sa Drug Clearing Operation Resolution No. 0923, samtang ang Barangay Catolohan kay ubos sa Resolution No. 0924.

Ang Barangay Cagay ubos sa Drug Clearing Operation Resolution No. 0921 ug Barangay Guimbangco-an nga ubos sa Resolution No. 0922.

Samtang ang ug Barangay Anislag ubos sa Drug Clearing Operation Resolution No. 0934 ug Barangay Lut-od nga ubos sa Resolution No. 0935.

"The entire officialdom of the Cebu Provincial Government is grateful for the success of these endeavors and the unrelenting support of the local government units in the implementation of the Barangay Drug Clearing Program in cities and municipalities down to the barangay levels”, tipik sa resolusyon nga gipangamahanan ni Bokal Thadeo Jovito Ouano, nangulo sa komitiba sa Public Safety, Peace and Order; and Dangerous Drugs Prevention. (BANAT NEWS)