500 ka motorista sikop sa kalapasan sa traffic code
CEBU, Philippines — Subay sa mando ni Mayor Raymond Alvin Garcia nga mopatuman og discipline zone sa kadalanan sa South Road Properties ilabi na sa coastal road ang 20-man team sa SRP Patrol Group nipahigayon og sunod sunod nga operasyon batok sa mga malapason sa City Ordinance 801 o mas naila nga Traffic Code sa Cebu City.
Matud pa ni Konsehal Rey Gealon ang Chairman sa SRP board, sulod pa lang sa lima ka adlaw dili mominos sa 500 na ang ilang nadakpan gikan Nov. 5 ngadto sa 10 alang sa nagkalain-lain nga kalapasan.
Ang mga kalapasan kay naglangkob sa walay headlights, walay license plate, walay brake lights, walay drivers` license ug no registration ngadto na sa overloading ug uban pa.
Dugang pa ni Gealon, dili mominos sa 20 ka mga sakyanan, labi na mga motor ang na impound.
Gipahugtan usab ang pagpatuman sa paggamit sa motorcycle lane sa tibuok stretch sa coastal road.
Ang mga driver ug biyahedor gipahimangnoan sa mga opisyal nga sigurohon nga ang ilang mga sakyanan roadworthy nga moagi sa SRP kay kung dili i-flagged down gayud sila. MEL BANAT NEWS
- Latest
