Traffic enforcer nga nagpalabang sa mga tawo nadasmagan

CEBU, Philippines — Nadasmagan ang usa ka sakop sa City of Talisay-Traffic Operation Development Authority (CT-TODA) didto sa eskina Camella sa Barangay Lawaan 1, Dakbayan sa Talisay niadtong Miyerkules sa gabii.

Ang biktima mao si Janven Labrador, hingkod ang panuigon nga sakop sa CT-TODA.

Sa pasiuna nga kasayuran, gi-giyahan ni Labrador ang mga tawo nga gusto nga molabang apan wa mihunong ang usa ka SUV hinungdan nga siya ang naigo niini.

Nalagpot og pipila ka metros ang biktima nga nakaangkon og bun-og sa kalawasan.

Hinuon nipasalig ang drayber sa SUV nga siya ang moabaga sa bayronon sa tambalanan sa enforcer.  MEL BANAT NEWS