Mga PWD nakadawat og tabang pinansyal sa Mandaue
CEBU, Philippines — Gipahigayon kagahapon Nobiyembre 6, 2024 ang pag-apod-apod sa P3,000 nga financial assistance ngadto sa mga Persons with Disablities (PWD) sa siyudad sa Mandaue.
Samtang sunod nga i-apod apod mao ang ikaduhang hugna sa tabang pinansyal sa mga senior citizen nga gikatakda usab sa Nobiyembre 12, 2024.
Mokabat sa 1, 496 ka mga PWD ang una na nga nakadawat sa ilang P3,000 nga ayuda gikan sa kagamhanan sa siyudad sa Mandaue niadtong buwan sa Abril.
Naglakip sa mga PWD nga nakadawat na sa ilang pinansiyal nga ayuda mao ang gikan sa Barangay Alang-Alang, Banilad, Basak, Cambaro, Centro, Guizo, ug Tipolo.
Ang pagpanghatag sa PWD assistance hangtud pa karong adlawa Huwebes Nobiyembre 7, 2024.
Si Mandaue City Mayor Glenn Bercede ang nangulo sa pagtunol sa financial assistance sa mga PWD.
Misuporta sa paghatag og tabang sa mga PWD ang pipila ka mga sakop sa konseho sa Dakbayan sa Mandaue ug nahimong espesyal nga bisita si suspended Mandaue City Mayor Jonas Cortes ug kanhi City Treasurer Atty. Regal Oliva. MEL BANAT NEWS
- Latest
