P90 milyong nga pundo gigahin sa lungsod sa Santander

MANILA, Philippines — Usa ka pampublikong merkado ug civic center ang itukod sa lungsod sa Santander, habagatang Sugbo.

Gihimo ang groundbreaking alang sa katukoran sa maong mga struktura nga gipangulohan ni Gobernador Gwendolyn Garcia, kongresista Edsel Galeos ug Mayor Marites Buscato niadtong Oktubre 16.

MANILA, Philippines — Usa ka pampublikong merkado ug civic center ang itukod sa lungsod sa Santander, habagatang Sugbo.

Gihimo ang groundbreaking alang sa katukoran sa maong mga struktura nga gipangulohan ni Gobernador Gwendolyn Garcia, kongresista Edsel Galeos ug Mayor Marites Buscato niadtong Oktubre 16.

Sumala sa Capitol Information Office, nga ang maong mga proyekto adunay inisyal nga pondo nga P90 milyones.

P40 million ang alang sa merkado gikan sa Financial Assistance to Local Government Units (FALGU) sa Department of Public Works and Highways (DPWH), samtang ang P50 million alang usab sa civic center gikan sa FALGU program sa Department of the Interior and Local Government.

Ang maong mga struktura adunay parehong land area nga 1,300 metro kwadrado nga matud pa magsilbing sentro sa komersyo ug pampublikong serbisyo sa lungsod.

Samtang, giinagurahan usab ang usa ka dos-andanas nga multi-purpose building sa Liloan Port sa Brgy. Liloan, Santander.

Ang maong edipisyo gipondohan sa Kapitolyo og P3.6 million nga giagi sa buhatan sa mayor. Ibutang sa maong building ang buhatan sa Philippine Coast Guard, Task Force Group, ug ubang municipal satellite offices. Laing struktura sa lungsod ang giinugurahan sa mga opisyal ug kini mao ang Municipal Training Center nga nahimutang sa bukirang barangay sa Kandamiang diin moabot sa P2 million ang pondo niini gikan sa Kapitolyo.

Ang maong pasilidad magsilbi nga venue o lugar kon asa ipahigayon ang agricultural training seminars ug pag-apud apod og tabang alang sa panguma gikan sa nagkadaiyang ahensya sa gobyerno ngadto sa mga residente .