Notadong tulisan, nadakpan sa drug bust
CEBU, Philippines — Usa ka 29 anyos nga lalake nga giingong suspek sa pagpanulis ug pagpangawat ang nadakpan sa kapolisan sa Abellana Police Station sa Cebu City Police Office atol sa buybust operation diha sa Juana Osmeña Street, Barangay Kamputhaw ning siyudad niadtong Agosto 4, 2024.
Matud pa wala'y lipud-lipod nga giangkon sa suspetsadong si Danny Jay Ogario Liston alyas Jay-Jay, 29 anyos, residente sa Purok 4 Upper, Barangay Kamputhaw, siyudad sa Sugbo, nga miangkon kini nga mosuyop og illegal nga drugas, moinom, mosugal ug mambabaye pa gyud maong mangawat ug manulis siya kun wala na siyay panggastos.
Ang suspetsado nakuhaan og 5 gramong gituohang shabu nga nagkantidad og P34,000.
Sumala pa sa kapolisan, ang suspetsado mao ang suspek sa pagpanulis niadtong Hulyo 11 ug Agusto 2, 2024 sa Barangay Kamputhaw.
Matud ni Police Colonel Antonietto Cañete, acting City Director sa Cebu City Police Office(CCPO) lakip sa mga natulis sa suspek mao ang usa ka mountain bike nga nagkantidad og P100,000 ug ubang mga electronic gadgets.
"I'm happy to hear that we were able to arrest him in the buy-bust operation and even recovered those items that had been stolen by him," sigon ni Cañete.
Gikatahong nadakpan na kini kaniadto pinasikad sa warrant of arrest gumikan sa two counts of theft ug gikonsiderar sab siya nga level 1 most wanted person station level.
Sa laing bahin, nadakpan sa ikatulong higayon tungod sa pagpamaligya og ilegal nga drugas ang usa ka 44 anyos nga babaye diha sa Barangay Bankal sa Siyudad sa Lapu-Lapu.
Ang team sa City Intelligence Unit (CIU) nga gipangulohan ni Police Lieutenant Colonel Dindo Alaras maoy nakasikop sa suspek nga nakuhaan og usa ka putos nga gituohang shabu nga nagkantidad og P34 mil.
Ang kapolisan nakadawat og mga taho labot sa pagbalik sa maong babaye sa ilegal nga kalihokan human kini nakagawas gikan sa bilanggoan tungod gihapon sa samang kaso. Sa unang pagkadakop niini, nigamit kini ug drugas, ug sa ikaduha nakuhaan kini og drugas maong dali ra kining nakagawas. Romeo T. Limpangog. IBM BANAT NEWS
- Latest
