Augmentation sa Palaro gi-pullout na
CEBU, Philippines — Gipang-pullout na ang mga PNP personnel nga gi-augment sa Cebu City Police Office nga nitabang sa pagbantay sa Palarong Pambansa 2024 nga natapos niadtong Hulyo 16, 2024.
Sayo pa, ang Cebu Police Provincial Office(CPPO), Mandaue City Police Office(MCPO), Lapu-Lapu City Police Office(LLCPO) ug Regional Mobile Force Battalion(RMFB)-7 nagpadala og PNP personnel sa CCPO.
Kagahapon opisyal na nga natapos na ang ilang augmentation ug nibalik na usab sila sa ilang mga tagsa-tagsa ka mga unit sa PNP.
Apan ang 180 ka personnel sa RMFB-7 wala pa nanguli gipasalamatan sila ni CCPO Director Ireneo Dalogdog tungod sa ilang dakong tampo nga malinawon ug malampuson nga Palarong Pambansa 2024.
"Mapasalamaton ta kay ang atong pag-hosting sa big event sa Palarong Pambansa 2024 peaceful, orderly and successful, mao nay gipaabot sa atong regional director sa Police Regional Office-7 si Police Brigadier General Anthony Abellada Aberin ang iyahang dakong pasalamat sa atong kapolisan ug sa atong partner agencies nga mitabang para lang mahimong hapsay ug malinawon ang Palarong Pambansa 2024", padayag ni Dalogdog.
Nasayran nga mabalik sa normal ang alert status sa Cebu City kon makauli na ang tanang delegado.
=Kagahapon anaa pay 3,000 ka delegado sa mga billeting areas ug karong adlawa sila manguli.
Ang naghatag og security kanila mga personnel gikan sa mga police station.
Isip pasalamat sa nga augmented PNP personnel gihimo ang boodle fight diin gisaw-an nila ang lamian nga pagkaon. BDB BANAT NEWS
- Latest
