CT-TODA nangandam na sa pagsira sa tunnel sa SRP
CEBU, Philippines — Gipangandaman na sa City of Talisay-Traffic Operation Development Authority (CT-TODA) ang plano nga pagsira sa tunnel sa South Road Properties (SRP).
Si Jonathan Tumulak, pangu sa CT-TODA nga angay lang sila mangandam tungod kay silingan man sila sa Syudad sa Sugbo.
Gani sa nahitabo nga pagkaguba sa truck diha sa viaduct niadtong milabay nga mga buwan taas nga kutay sa trapiko ang nasinati nga naabot sa Syudad sa Talisay.
Gipanglantawan ni Tumulak mahisusama ra gyud ang sitwasyon kung dili sila maghimo sa pagpangandam.
Matud pa ni Tumulak nga kung taas na ang kutay sa trapiko sa SRP diha na nila paagi-on ang mga sakyanan sa Laray San Roque lahos sa Inayawan.
Kung taas nasab ang kutay sa trapiko sa duha ka agianan paingon sa Syudad sa Sugbo diha nasab nila pa agi-on ang mga sakyanan sa Natalio Bacalso Avenue.
Sigon pa ni Tumulak nga magbutang sila og signages sa mga karsada aron adunay giya ang motorista.
Giplanohan nga sirhan ang tunnel sa SRP karong Hulyo 18 aron kini ayuhon. (BANAT NEWS)
- Latest
