P4.4 milyong shabu nasakmit sa Mandaue City ug Panglao

CEBU, Philippines — Pinaagi sa hiniusang operasyon sa Philippine Drug Enforcement Agency (PDE)-7, NAVFORCEN ug Mandaue City Police Office nasakmit ang P3.4 milyones nga balor sa ilegal nga drugas sa ilang buy-bust operation sa Zuellig Avenue, North Reclamation Atea, Barangay Subangdaku, Dakbayan sa Mandaue kagahapon sa pasado alas 2 sa hapon.

 Nadakpan sa mga operatiba si Jessel Yote, residente sa Barangay Taptap, siyudad sa Sugbo.    Nakuhaan kini og lima ka putos sa gituohang shabu nga nitimbang og 500 gramos ug gibana-banang nagkantidad og P3.4 million, buy-busr money, cellphone, motorsiklo, nagkalain-laing bank transactions ug mga non-drug evidence.

Ang mga ebidensiya nga nakuha gisumetir na sa laboratory alang sa chemical analysis ug proper disposition. Kasong kalapasan sa Sections 5 ug 11, Article II sa Republic Act 9165 ang ipasaka batok sa suspetsado.

Samtang nasakmit sa mga operatiba sa Panglao Municipal Police Station sa Bohol Police Provincial Office (BPPO) ang kapin sa P1 million nga balor sa illegal nga drugas sa buy-bust operation nga gihimo diha sa Barangay Looc, Lungsod sa Panglao, Probinsiya sa Bohol.

Nadakpan sa kapulisan ang suspetsado nga 20-anyos nga lalake, residente sa Barangay Mansasa, Tagbilaran City ug usa ka high value individual.  Nakuhaan ang suspetsado og 150 grams sa gituohang shabu nga nagkantidad og kapin P1 million.

“The success of the drug bust operation is a result of our intelligence-based operations aimed at effectively combatting all forms of criminality in the region," sigon ni Police Regional Office-7 Director Brigadier General Anthony Aberin.

Gidayeg ni Aberin ang kapulisan sa Panglao sa ilang wala'y paglugak nga kampanya batok sa illegal nga drugas.