Aling Tindera gilaoman nga mapalapdan diha sa kabarangayan
CEBU, Philippines — Naglaum ang Cebu City Environment and Natural Resources Office nga mapalapdan ang Aling Tindera, usa ka trash for cash outlet, ngadto sa kabarangayan sa dakbayan sa Sugbo.
Ang Aling Tindera gihulagway nga usa ka community program nga nagtinguha sa pagwagtang sa mga basura nga plastic diha sa palibot, maghatag og panginabuhian sa mga sakop sa komunidad ug magdasig ug mag edukar sa publiko kabahin sa responsible plastic waste management.
Kining maong programa gidumala sa HOPE, ang labing unang certified B Corporation sa Pilipinas.
One hundred percent sa kita niini gamiton alang sa pagpalambo sa public school infrastructure, increasing livelihood opportunities, ug magdasig sa mga lakang alang sa pagkonserbar sa kinaiyahan.
Base sa Aling Tindera website aduna kini duha ka aktibo nga Aling Tindera dinhi sa dakbayan lakip na ang Balay Samaritano sa Sugbu ug Sacred Heart Church.
Gitug-an ni CCENRO officer-in-charge, Reymar Hijara nga ang mga representatives sa Aling Tindera mibisita kanila aron tukion ang pag-ila sa mga haum nga lugar diha sa mga barangay nga butangan sa maong pasilidad.
Kini ilabi na kay ang pagtukod og Aling Tindera nagkinahanglan og lugar nga 10 to 40-foot containers.
“We will be sending a formal letter to the barangay through the Liga ng mga Barangay and the DILG,” suma pa ni Hijara.
Ang mga personnel sa Aling Tindera gikatakdang mobisita sa matag barangay aron pagpasabot sa mga kaayuhan sa pagbutang sa maong sistema nga gitumong aron mapadali ang pag-implementar sa programa.
Suma pa ni Hijara nga aduna na silay girekomendar nga upat ka barangay aron himoong pilot areas.
Kini naglakip sa barangay Basak-San Nicolas, Carreta, Luz ug Mabolo ug dugang pa ni Hijara nga kining maong mga barangay maoy labing aktibo sa ilang solid waste management.
Sa higayon nga kini maestablisar, ang community members mobaligya sa ilang plastic wastes ngadto sa ilang Aling Tindera.
Sa higayon nga mapuno na ang mga container vans, ang HOPE maoy mokolekta sa plastic waste ug dad-on ngadto sa accredited processors. — /MEL (BANAT NEWS)
- Latest
