Barangay Mohon giserbisyohan sa Talisay
CEBU, Philippines — Giserbisyohan sa kagamhanan sa Dakbayan sa Talisay ang barangay Mohon kagahapon.
Si Mayor Gerald Anthony “Samsam” Gullas maoy nangulo sa mga department heads sa paghatag og nagkalain-laing serbisyo sa taga Mohon.
Ang programa mao ang Aksyon Agad sa Barangay nga naghatag og kahigayonan sa mga katawhan sa barangay nga di na moadto pa sa City Hall aron sa pagproseso sa mga serbisyo sa nagkalain-laing buhatan.
Gikan sa pag atiman sa mga mananap, katuyoan sa bulohisan, mga yuta ug uban pa nga serbisyo nga naa sa City Hall makita sa usa ka barangay.
Matag semana lahi-lahi nga barangay ang gibisita hangtud nga mahurot og suroy ang 22 ka barangay sa Talisay.
Una niini, si Gullas nitataw nga dad-on nila ang serbisyo sa City Hall diha sa tugkaran aron di na makagasto ang tawo sa pagplite paingon sa City Hall.
Di nasab makagasto og dakong oras tungod kay naa naman ang ilang tuyo diha sa ilang tugkaran. (BANAT NEWS)
- Latest