Landfill sa Talisay nisiga pagbalik
CEBU, Philippines — Mikayo pagbalik ang landfill sa Barangay Tapul, Dakbayan sa Talisay niadtong Domingo sa gabi matud pa sa City Disaster Risk Reduction and Management Office (CDRRMO).
Si Joel Sisa, pangu sa operation CDRRMO miingon nga mga alas 9:35 sa gabie nadawat ang alarma apan napawong ra sab kikni pagka alas 10:20 sa gabii.
Sigon pa niya nga ang kilid sa landfill ang misiga pagbalik apan gamay ra kini. Ang landfill nasunog niadtong miaging semana apan magsige kini og balik-balik.
Daghan ang napurwesyo tungod sa kabaho sa aso niini apan karon di na kaayo kini suliran.
Kini human si Mayor Gerald Anthony “Samsam” Gullas nipa abuno og anapog sa landfill sa tinguha nga di na mobalik ang kayo. Ang mga mamasurahay sa dapit nibalik na sa ilang panginabuhian.
Wa na gani sila nagsul-ob og facemask nga gihatag sa kagamhanan niadtong miaging semana.
Sila ang gihatagan og ayuda nga pagkaon ug pinansyal kay sila ang direkta nga apaketado sa pagsilaob sa mga basura.
Pero gitambagan gihapon ang mga taow nga naa duol sa landfill nga mas maayo nga moprotekta sa kaugalingon gikan sa aso. (BANAT NEWS)
- Latest
