Pipila ka karsada sa Talisay sirad-an tungod sa Ironman
CEBU, Philippines — Usa ka lane lang una ang mahimong agi-an sa mga sakyanan gikan ug paingon sa Dakbayan sa Talisay karong adlaw nga Domingo.
Kini maoy gipahibawo ni Jonathan Tumulak, pangu sa City of Talisay-Traffic Operation Development Authority (CT-TODA).
Matud pa ni Tumulak nga himuon ang Ironman sa adlaw nga Domingo gikan sa kadlawon hangtud na sa udto hinungdan nga walay makaagi nga mga dagko nga truck sa SRP nianang mga orasa.
Apan ang mga light vehicles ang mahimo ra makaagi pero sa usa ka lane lang sila kay ang pikas lane maoy gamiton sa mga atleta.
Diha magsugod ang two-way lane sa utlanan sa Talisay ug siyudad sa Sugbo.
Gitambagan ang motorista nga planohon ang ilang mga lakaw nianang adlawa aron di matanggong sa trapiko. (BANAT NEWS)
- Latest
