CPA nipadayon sa pagtrabaho sa ilang proyekto

CEBU, Philippines — Ang Cebu Ports Authority mipadayon pagtrabaho sa ilang bag-ong R.C. deck port facility (Phase 1) diha sa Cebu baseport nga nahimutang sa National Museum of the Philippines-Cebu bisan pa og way clearance gikan sa City government ug sa Department of Environment and Natural Resources(DENR).

Niadtong Biyernes gipahibawo sa CPA pinaagi sa ilang Facebook page nga nipahigayon na sila og clearing operation niadtong April 3, 2023 ug gipaspasan ang construction work bisan panahon sa gabii.

Sa gihimong clearing operation, ang tanang barikada ug nakaali sa agi-anan ang gipatangtang sa CPA.

Suma pa sa CPA nga ila kining gihimo aron mahibalik ang kaluwas ug seguridad sa pantalan ug giayo na usab nila ang naguba nga gate.

“It is our commitment to the Office of the Transportation Security (OTS) to maintain and implement the national transport security plan, therefore, we have to secure the perimeter of the port and prevent unauthorized access,” segun sa CPA General Manager Kit Comendador.

Samtang suma pa ni Architect Florante Catalan hepe sa Office of the Building Official kun OBO nga hangtud karon wa pa sila naka-isyu og permit ngadto sa CPA.

Niadtong Abril 1, ang kagamhanan sa siyudad sa Sugbo mimando sa pagpahunong sa trabaho sa proyekto sa CPA ug nagmontar og barikada sa area ingon man niguba sa bunkhouse sa mga construction workers.

Ang CPA segun sa ilang post miingon nga ang Cebu City government ilabi na ang buhatan sa OBO, Prevention Restoration Order Beautification and Enhancement (PROBE), ug Cebu City Legal Office pugsanon nga misulod sa ilang premises bisan ug gawas na kini sa ilang territorial jurisdiction.

 “Thus, we strongly condemn these flagrant acts of oppression, harassment, grave abuse and usurpation of authority, and blatant disregard of the law and judicial processes committed by men and women in the seat of power who publicly display knowledge of the law yet conceal a weak ethical core”. Pagbasa sa post sa CPA.

Niadtong April 2, 2024 ang DENR-EMB-VII miisyu og notice of violation ngadto sa CPA gumikan sa pagsugod sa ilang expansion project nga walay amended Environmental Compliance Certificate.

Ang CPA gihatagan og higayon sa pagpasabot sa ilang habig sulod sa kinse ka adlaw gikan sa pagkadawat sa maong notice. Gikan sa The Freeman, MEL BANAT NEWS