UN World Tourism Organzation anhi magtigom sa Sugbu
CEBU, Philippines — Ang Sugbo maoy napili nga mahimong host venue sa umaabot nga joint commission meeting o tigom sa United Nations World Tourism Organization (UNWTO) sa bulan sa Hunyo karong tuiga.
Ang maong mga tigom mao ang 36th Joint Meeting sa UN Tourism Commission for East Asia and Pacific ug sa UN Tourism Commission for South Asia.
Lain pud nga tigom mao ang unang UN Tourism Regional Forum on Gastronomy Tourism for Asia and the Pacific.
Ang tigom sa UN Tourism Commission maoy ang tinuig nga nga kalihokan sa Asia ug Pacific region kon diin ang mga partisipante niini gikan sa UN Tourism Member States, UN Tourism affiliate members ug international ug regional nga organisasyon.
Gipili ang Sugbo nga mahimong venue tungod sa paninguha sa Department of Tourism gipangulohan ni Secrtary Christina Garcia-Frasco nga maoy kasamtangang bise president sa 25th General Assembly sa UNWTO ug chairperson sa UNWTO Commission for East Asia ug sa Pacific. Subay niini ang Probinsya sa Sugbo mo-host og paniudto ug dinner receptions alang sa delegado ug ingon man mo-offer og guided tours o pagsuroy pinaagi sa southern heritage trail. IBM BANAT NEWS
- Latest