50,000 ka polis lukop nasud nisaka ang mga ranggo
CEBU, Philippines — Niabot ngadto sa 50,000 ka polis lukop nasud ang nisaka ang mga ranggo subay sa nagpadayon nga promotion program sa Philippine National Police.
Dinhi sa Central Visayas anaa sa 2,163 ka police personnel ang nisaka ang mga ranggo.
Sa 2,163 ka promoted PNP personnel 11 niini ang nahimong Police Major gikan sa Police Captain nga ranggo; 13 ang nahimong Police Captain gikan sa Police Lieutenant; 80 ka polis ang nahimong Police Lieutenant gikan sa Police Executive Master Sergeant.
Anaa sa 205 ka polis nga nagranggo og Police Chief Master Sergeant ang nahimong Police Executive Master Sergeant; 311 ang nahimong Police Chief Master Sergeant gikan sa Police Senior Master Sergeant; 207 ang nahimong Police Senior Master Sergeant gikan sa Police Master Sergeant.
Samtang 587 ka polis nga nagranggo og Police Staff Sergeant ang nisaka isip Police Master Sergeant; 419 ang gikan sa Police Corporal nga nahimong Police Staff Sergeant ug 330 gikan sa Patrolman o Patrolwoman nahimong Police Corporal.
Niadtong adlaw’ng Lunes, Marso 25, 2024 gihimo ang simultaneous Oath-Taking, Donning ug Pinning of Ranks sa mga newly promoted 2nd level uniformed personnel diha sa Cebu City Police Office, Cebu Police Provincial Office, Lapu-Lapu City Police Office, Mandaue City Police Office, Negros Oriental Police Provincial Office, Bohol Police Provincial Office ug Siquijor Police Provincial Office.
Matud ni Police Lieutenant Colonel Gerard Ace Pelare, tigpamaba ni Police Regional Office-7 nga adunay mando nga kadtong mga na-promote sa pagka- Police Lieutenant ibalhin sa laing unit o police station tungod kay maghupot na sila og dakong responsibilidad diin uban kanila mahimong chief of police ug deputy chief of police. BDB BANAT NEWS
- Latest
