Pertusis nisaka gumikan sa mubo nga vaccine percentage
CEBU, Philippines — Ang kamubo sa immunization percentage sa Central Visayas hinungdan sa pagsaka sa vaccine preventable disease sama sa pertussis.
Kini ang gibutyag ni Dr. Eugenia Mercedes Cañal, pangulo sa Regional Epidemiology and Surveillance Unit sa Department of Health-7.
Sa pagkakaron, ang Central Visayas nakatala og 115 ka suspected cases diin 42 ang kompirmado nga kaso ug unom ang nakalas tungod sa pertussis o mas naila nga “whooping cough” sa unang quarter sa 2024.
Ang kadagkoan sa DOH-7 nibutyag nga ang pertussis makaapektar ni bisan kinsa apan mas fatal kini ngadto sa mga bata nga walay bakuna ilabi na sa 0-2 months old.
Giawhag ni Cañal ang mga ginikanan nga kaloy-an ang ilang mga anak diin kong dili nila kini pabakunahan kanunay gayud kining masakit.
Gidasig ni Cañal ang mga ginikanan nga mopaapil sa ilang mga masuso og mga kabataan sa immunization program sa DOH-7
Ang pertussis usa ka highly contagious respiratory infection apan mapugngan kini pinaagi sa vaccination. BDB BANAT NEWS
- Latest
