Patay’ng lawas nahaw-as
CEBU, Philippines — Patay'ng lawas sa usa ka lalake napalgan sa kadagatan sa bukana sa Mactan Channel tunga-tunga sa dakbayan sa Lapu-Lapu ug Lungsod sa Consolacion kagahapon sa alas 11:20 sa buntag, Marso 24.
Sa impormasyon sa Consolacion Municipal Police Station ang maong lalake gibana-bana nga nag-edad og 50 ngadto na sa 60 anyos, 5'4 ang height.
Nasayran usa ka concerned citizen ang mitawag sa police station ug nagpahibawo labot sa patay nga naglutaw sa kadagatan.
Ang patay nga lawas gikuha sa mga sakop sa Philippine Coast Guard diha sa Cansaga Port.
Sa inisyal nga imbestigasyon sa Consolacion Police Station gituohan nga mananagat kini ug posible nalumos.
"So far wala pa tay information unsa jud cause of death, but apparently drowning, no obvious samad man gyud," sigon ni Lieutenant Colonel Verniño Noserale, Hepe sa Consolacion Police Station.
Sa pakutlo ning maong balita padayon ang pag-ila sa biktima ug wala pay pamilya nga niadto sa Police Station.
- Latest
