International Cat Show himuon pag-usab sa Mandaue City

CEBU, Philippines — Gikatakdang ipasundayag ngadto  sa publiko ang kapin sa 80 ka nagkadaiyang klase sa mga iring sa pagahimoon nga International Cat Show  sa Mandaue City  Cultural and Sports Complex  sa Sitio Tribunal sa Barangay Centro sa Siyudasa Mandaue karong Abril 13 ug 14, 2024.

Ang International Cat Show ang gipaluyohan sa nagkadaiyang pundok  nga naglakip sa World Cat Federation (WCF) ug Society of Feline Enthusiasts of the Philippines (SFEPI) ug ingon man sa kagamhanan sa siyudad pinaagi ni Mayor Jonas Cortes ug mga opisyal sa kagamhanan sa maong dakbayan.

 Ang benepisyaryo sa maong kalihokan mao ang Island Rescue Organization (IRO) nga nagtumong sa paghimo og mga programa alang sa maayong pag-atiman sa mga gibuhi nga mga iring.

Ang maong kalihokan bukas sa  mga adunay gibuhi nga  nga mga iring nga  nagtinguha sa pag-apil sa International  Cat Show nga pagahimoon tungod kay bukas man kini sa tanan nga mahiligon sa pagbuhi og mga iring. – IBM BANAT NEWS