Dalagita gilugos sa ka meet-up
CEBU, Philippines — Midangop sa Carbon Police Station 5 ang usa ka 14-anyos nga menor de edad aron magpakitabang kay giingong gilugos siya sa lalake nga nakaila niya sa social media.
Nagkita matud pa ang biktima ug ang lalake nga iyang nakaila sa social media diha sa viaduct sa South Road Properties.
Sigon ni Police Lieutenant Colonel Janette Rafter, Deputy City Director for Operations sa Cebu City Police Office(CCPO) nga gibutyag sa menor de edad sa personnel sa Women and Children Protection Desk gipainom matud pa siya og softdrinks pagkahuman nawagtangan kini og panimuot ug nakatulog.
Dugang saysay sa biktima ngadto sa kapulisan nga sa iyang pagmata lain na ang gipamati sa iyahang lawas ilabi na ang kinatawo niini.
Ang WCPD sa Carbon Police Station mipahiling sa biktima diha Pink Room sa Vicente Sotto Memorial Medical Center aron masayran kung gihilabtan ba gyud ang biktima.
Subayon sab sa kapulisan giunsa ug asa gyud nagkaila ang biktima ug ang giingong nanghilabot niya.
Kung mapamatud-an nga nahilabtan gyud ang biktima mopasaka og kaso ang kapulisan, apan regular filing na kini. -- IBM BANAT NEWS
- Latest