Ex-con nakuhaan og P11M shabu

CEBU, Philippines — Moabot sa dul-an P11 milyones nga balor sa illegal nga drugas ang nasakmit sa mga operatiba sa Regional Police Drug Enforcement Unit (RPDEU) sa Police Regional Office (PRO)-7 sa buy-bust operation nga ilang gihimo diha sa V. Rama Street, Barangay Calamba, Siyudad sa Sugbo alas 11 sa gabii sa adlaw'ng Domingo, Pebrero 25, 2024.

Nadakpan sab sa mga operatiba ang ex-convict nga High Value Individual nga si Ciano Entoma Villanueva alyas Cyano, 58, nagpuyo sa naasoy nga dapit.

Nakuhaan ang dinakpan og 1,600 grams sa gituohang shabu nga nagkantidad og P10.8 million.

Sa impormasyon nga gihatag nga RPDEU-7 gipaubos nila sa usa buwan nga monitoring human makadawat og impormasyon nga nalambigit kini matod pa sa illegal nga drugas.

Nasuta nga ang suspetsado maka dispose og 1000 grams sa illegal nga drugas kada semana.

Ang contact matod pa niini sa iyahang illegal nga drugas kay giingong naa sulod sa Cebu City Jail ug ang area of operation niini tibuok siyudad sa Sugbo. Samtang sa Lapu-lapu  City Police Office (LCPO), nasakmit sab ang 74.4  gramo nga shabu nga nagkantidad og P505,920 gikan sa siyam ka mga pusher nga ilang nadakpan sa usa ka semana nga Simultaneous  Anti-Criminality Law Enforcement Operation (SACLEO) nga  nagsugod sa Pebrero  18 hangtod  Pebrero 24, 2024.

Si  Police Lieutenant Colonel Christian  Torres, tigpamaba sa   LCPO miingon  nga nalakip  sa siyam nga mga pusher  nga nadakpan mao angusa ka High  Value Invidual (HVI)  ug  walo  ka mga Street  Level  Individual  (SLI)  nga mga  pushers.— Romeo Marantal, Romeo T. Limpangog (BANAT NEWS)