Facebook page sa bise mayor sa Talisay gi-hack
CEBU, Philippines — Gi-hack sa wala pa mailhi nga responsable ang Facebook page ni Bise Mayor Richard Francis Choy Aznar sa Dakbayan sa Talisay sa niaging adlaw.
Matud ni Aznar nga dako niya nga katingala nga nikalit lang kini og post ang iyang page og mga produktong sabon.
Dali nila kini nga gi-report sa Facebook ug dili na dayon kini makita pa.
Si Aznar nagkanayon nga naapektohan ang ilang information dissemination o pagsabwag sa katawhan sa ilang gihimo matag adlaw nga serbisyo.
Apan iyang giklaro nga padayon ra ang ilang gimbuhaton sa paghatag og serbisyo ngadto sa katawhan.
Si Aznar maoy labing una nga opisyal sa Dakbayan sa Talisay nga na hack ang account sa Facebook.
Nitumaw ang mga estorya nga politika ang hinungdan niini tungod kay sa sunod tuig na ang piniliay.
Apan gisaliway ni Aznar ang pagduda nga adunay kalabotan ang politika sa maong hitabo.
Diha sa iyang personal nga account nipahibawo si Aznar sa nahitabo sa iyang page ug magpaabot sa desisyon sa Facebook kay kong mataud-taoran pa kini posibleng mohimo siya og lain nga page aron makahatag og update sa ilang trabaho nga gihimo.
We regret to inform you that our official page has been compromised by a hacking attempt. We are currently working diligently to resolve this issue and restore the page to its normal state. We apologize for any inconvenience this may cause and assure you that we are taking all necessary steps to address the situation , matud ni Aznar. (BANAT NEWS)
- Latest
