CT-TODA: Aksidente sa CSCR nidoble

CEBU, Philippines — Miabot sa 200 ka disgrasya ang natala sa Dakbayan sa Talisay sa buwan sa Enero ning tuiga base sa talaan sa City of Talisay-Traffic Operation Development Authority (CT-TODA).

Tulo niini nikalas og kinabuhi ug ang nalambigit mga motorsiklo.

Si Jonathan Tumulak, pangu sa CT-TODA nagkanayon makaalarma ang gidaghanon sa namatay.

Sigon pa niya nga kasagaran sa ilang natala nga disgrasya mao ang mga nag beating the red light ug diha nahitabo sa Cebu South Coastal Road.

Nipahimangno si Tumulak ngadto sa mga drayber nga mag inampingon gyud sa pagmaneho.

Sa miaging tuig mitala sila og 29,448 ka mga natala nga traffic violations ug disgrasya, diin 16 ang natalang patay,

Ang numero nga natala mas nadoble ikompara sa tuig 2022. (BANAT NEWS)