Pagwagtang sa NTF-ELCAC gisuportahan sa NAGKAISA Labor Coalition

CEBU, Philippines — Nanawagan ang NAGKAISA! Labor Coalition sa administrasyon ni President Ferdinand "Bongbong" Marcos Jr. (PBBM) nga susihon ang function ug operations sa National Task Force to End Local Communist Armed Conflict (NTF-ELCAC).

Kini human sa rekomendasyon ni Irene Khan, UN Special Rapporteur on the promotion and protection of the right to freedom of opinion and expression nga wagtangon na ang maong ahensya.

Suma pa sa grupo nga atol sa pagbisita ni Khan dinhi sa Pilipinas naobserbahan niini ang mga kalihukan sulod sa NTF-ELCAC nga kanunay nga nag red-tag sa mga civilians ug organizations, ug nagtumbok niini nga mga communists.

Gumikan niini gikabalak-an na ang tawhanong katungod lakip na ang mga kalapasan sa freedom of association.

Subay niini gihimug atan sa grupong NAGKAISA ang sugyot ni Khan nga wagtangon na ang maong ahensya ug usbon ang approach o pamaagi alang sa peacebuilding ug likayan ang communist red tagging. — /MEL (BANAT NEWS)