Voters registration sugdan Pebrero 12 –comelec
CEBU, Philippines — Gideklarar sa Commission on Elections ang Pebrero 12 ning tuiga nga National Voters Registration Day nga molanat hangtod sa Septiyembre 30 diin itanyag ang mga serbisyo sa pagpasayon sa transaksyon sa mga tawo sa ilang buhatan.
Lakip sa serbisyong ihatag ang register anywhere project nga diin pwedeng makaparehistro ang mga tawo sa mga venues nga umolon sa Comelec.
Una kining gihimo didto sa kaulohan niadtong nakalabay nga eleksyon ug buot karon nga anhi na sab ipatuman sa Visayas.
Lakip usab sa himuon ang one province registration diin tapukon ang mga election officers sa tanang lungsod sa usa ka venue aron kun dunay mga tawong naatol nga naa sa venue, bisan taga asa pa sila mahimo silang moparehistro.
Ang Comelec mohimo usab og mga satellite registrations sa kabarangayan eskuylahan ug kutob sa ilang maabot aron mapalapdan pa ilang serbisyo.
Sa pikas bahin, nagsugod na sa pagpangandam ang Commission on Election (COMELEC) sa Dakbayan sa Talisay alang sa pagbalik nila pagdawat sa mga tawo nga magparehistro.
Si Josef Buac, election assistant officer sa Talisay nibutyag nga ila nang gilain ang dokumentosa mga botante nga deactivated na ingon man kadtong mga namatay.
Ang pagprinta sa voter’s registration form mao na sab ang ilang gihimo.
Si Buac nitataw nga ilang gihangyo ang kagamhanan sa Talisay nga makagamit sa dakong hawan sa City Hall alang sa pagdagsa sa mga tawo nga magparehistro.
Lakip nila nga atimanon kadtong mga tawo nga magpa reactivate ug mo-transfer sa ilang registro. (BANAT NEWS)
- Latest